饒舌歌手MastaMic昨日到電台宣傳新歌《破地獄》，他表示新歌內容是咒罵平日自己覺得不滿的事，題材十分破格，可惜歌曲的MV拍攝因資金問題需要擱置：「對於個MV我係有諗法，但係冇錢。單係租個大啲嘅片場都起碼要三、四萬，對於我哋呢啲獨立製作人係好困難，所以我好努力搵緊錢。（係咪三月搞完演唱會未回到氣？）實質上已經係破咗產！差在未入紙申請，真係要節衣縮食。」
