王馨平扮惡對付老頑童
由唱歌轉型為瑜伽導師的王馨平（Linda），如此轉變，原來與她另一興趣打高爾夫球有關；跟王羽父女情深的她，大爆父親會擺長輩款，但年紀愈大反而變成老頑童。
王馨平為東網巨星最新一集「海馬牌床褥特約」《閨蜜睡房》擔任嘉賓，與主持俞詠文（Angela）分享做瑜伽及家庭樂事。早前Linda與周慧敏、湯寶如在演唱會合體高唱《美少女戰士》，令人津津樂道，三人亦留下美好回憶，當晚穿露臍裝的Linda說：「我作為一個專業嘅瑜伽老師，梗係唔會有肚腩(口架)啦！所以我覺得OK着到。」
為打高球玩瑜伽
Linda不僅玩瑜伽出色，打高爾夫球同樣拿手，她形容打高爾夫球曾打到發狂，當正自己是職業選手去訓練：「係黐線o架！其實我成為瑜伽導師都係因為打Golf。」因打高球要做很多伸展運動，她習慣一落場就打，所以身體較易受傷，打波前做瑜伽就有助筋骨伸展。
每月返台探父親
另外，Linda跟「獨臂刀王」父親王羽感情深厚，每個月她都會返台灣探父親，她說：「爹哋好嚴肅、好有架子o架！由細到大佢都係嗰種好擺長輩款嘅人，有啲長輩好冇大冇細，但爹哋絕對唔係，所以我都驚佢！不過佢年紀愈大愈似小朋友，佢知道我愈唔鍾意佢做嘅嘢，佢就愈喺我面前做，真係小朋友嚟，反而慢慢我會惡過佢。」仲想知道Linda與老公的愛情生活，記得本星期五、六、日收睇《閨蜜睡房》！
文：音樂組