李日朗升呢導演揀蟀變獵艷

Don坦言做導演不是想像中容易：「因為要管理一個團隊，以前做演員好輕鬆，每日收工就拜拜，依家好多時收工要開會，自編自導更加吃力，自己會參與後期製作，睇到自己做戲時缺點喺邊，喺度要向曾經拍過我嘅導演致敬，原來我係咁差！我做戲有好多多餘嘅表情，剪嘅時候都幾麻煩。」為了演活新戲角色，向來身形瘦削的Don都要減磅，結果由150多磅減至140磅。

匿名低調上網

身為導演的Don亦要為電影選角，他說：「我好鍾意喺網絡平台睇佢哋嘅生活係點，睇佢平時個樣係點，我試過私訊一個女仔，佢突然send返message畀我，問我係咪想同佢做朋友，然後將佢嘅電話畀我，叫我加佢whatsapp，我就話你嘅生活好有趣所以關注吓，以後我都唔敢再咁樣搵演員。」之後Don開了另一個私人帳戶，繼續發掘演員：「可以偷偷地去睇，冇人知係我。」

李日朗已屬偏瘦，豈料仍要為新戲減磅。

模特兒黃靜藍與李日朗經常出雙入對，還經常網上放閃。

家人放棄催婚

講到男人事業有成，下一步便應該成家立室，雖然Don與模特兒黃靜藍出雙入對，不過他卻笑言「冇人吼」：「我努力緊，我一入行已經話想30歲結婚，只不過一路冇人鍾意我。」講到如今多了導演光環，是否有更多女生埋身？他直言：「依家反而小心咗，唔想係咁樣，唔通我李日朗要用導演嘅名銜先可以追到女仔咩？」他又坦言家人已放棄向他催婚：「催到灰咗心，已經冇提過，佢哋曾經有諗過我係咪同性戀者，依家佢哋就冇擔心亦冇寄望。」

文：專案組

攝：張福宏

場地：Mini Hotel