短片悼念亡母姜皓文難忘藤條炆豬肉
藝人姜皓文（黑仔）昨日上載短片，悼念已離世40年的母親，今次他拍片主要是想大家向身邊摯愛說聲「我愛你」，為溫馨的母親節加添意義！
黑仔指母親生前最愛打麻將，亦喜歡送小禮物給他；他試過因貪玩而闖禍：「有次細妹喺新年病咗，媽咪帶住我同細妹去睇醫生，睇完返到屋企，我即刻出咗去睇舞獅，但身上仲袋住細妹啲藥，搞到阿媽要通街搵我，最後當然係藤條炆豬肉啦！」
黑仔有兩弟一妹，父母很早已分開，媽咪是馬來西亞人，在黑仔14歲時因病離世，之後黑仔跟隨養父生活，養父因要工作，將黑仔弟妹送去兒童院，四兄弟妹雖然在不同地方成長，但感情要好，黑仔說：「之前金像獎頒獎禮，佢哋都有嚟捧場，去年金像獎，細佬一聽到唔係我攞最佳男配角，嬲到走咗，今年佢坐到最尾，佢哋知道哥哥攞獎都好開心。」