符曉薇下體出血陳柏宇落禁足令

歌手陳柏宇（Jason）上星期六晚到澳門開騷，「跟得夫人」符曉薇（Leanne）佗住四個月身孕撐場，事後Leanne在社交網自爆回港後驚覺下體出血，要立即睇醫生：「只怪自己又抱小朋友，又捱夜又唔夠休息。」並大呻被老公要求留在家中休息，更要取消周六的韓國之旅：「做個乖寶寶，大家唔使擔心，醫生話休息吓就冇事。」前晚她接受訪問時報平安：「唔係佗唔穩，Jason媽會照顧我。」

生完B先旅行

Jason昨日現身譚小環主持的奇妙電視節目《搵錢男女》，被問太太的身體狀況，他指愛妻因抱小朋友時不慎弄傷：「可能因為抱我表妹嘅時候唔小心，第一日佢流血嘅時候非常擔心，禮拜日都即刻Call醫生嚟睇，醫生話冇大礙，第二日都仲有少少呢個情況。」問到太太是否要留家休養？他坦言已向太太下禁足令：「唔使瞓床，但要留喺屋企休息。本來佢想去韓國旅行，依家嚴禁佢出國，呢一刻唔應該冒險。」並指太太生B後才一家三口旅行補數。

陳柏宇與太太最鍾意旅行，但為了愛妻着想，生B前要她留港休息。

譚小環讚陳柏宇靚仔又大隻，睇見就流口水。

譚小環愛小鮮肉

Jason又透露近年學習投資做生意：「希望多一門收入，有拍檔幫手打理，自己又可以有多啲時間照顧屋企，而且將來都可以同小朋友分享生意經。」譚小環則笑言邀請Jason做嘉賓特別受歡迎，並自嘲是「姐姐級」，很難抗拒小鮮肉：「Jason好有肌肉線條，我都有啲流口水，返去想叫我老公鍛煉吓。」

文：音樂組