蔡欣熹做生招牌周美鳳緊張監場

Florence於美國八大學府之一的紐約哥倫比亞大學畢業後，曾於藝術館及拍賣行等工作，接觸的全是世界級極品，被珠寶吸引的她繼而投身珠寶界。有樣貌有身材的她，既有頭腦又有設計天分，回港發展短短數年，已創立自家珠寶品牌，並獲有六十年歷史的珠寶品牌垂青，邀請合作設計婚嫁首飾。

大騷三吋事業線

Florence今次更身兼模特兒，穿上多款性感婚紗及晚裝親身示範首飾，露出三吋「事業線」大騷本錢，性感程度爆燈！拍攝當日周美鳳亦有在場，不時提點女兒如何擺甫士，緊張程度儼如女兒出嫁。Florence表示十分榮幸和該品牌合作：「我大學係讀藝術和歷史，後來好鍾意珠寶，所以返香港後都有讀珠寶設計同鑽石鑑證。今次好幸運可以同有六十年歷史嘅香港珠寶品牌合作，我設計咗一款以花為主嘅首飾，同埋兩款婚戒。」

蔡欣熹今次除咗做設計師，仲做埋生招牌示範首飾作品。	周美鳳親身到場支持，果然係廿四孝媽咪。	周美鳳（左）細心為蔡欣熹整理儀容。

自爆單身有人追

問到設計出唯美婚戒的Florence本身是否感情豐富的人？她說：「我屬於浪漫型，但又唔係有好多愛情經驗，依家冇拍拖，希望將來搵到細水長流嘅感情。」她亦大方分享擇偶條件：「一定要錫我、忠心、識照顧我，依家都有追求者，希望30歲結婚，好快就到，但都想有自己事業先。」

文：專案組