鄧達智提早慶登6憂再做手術

時裝設計師鄧達智（William）明天60歲生日，前晚他與藝術家楊素珊和盧覓雪等好友率先慶祝。他接受訪問時笑言不是「登6」，是「登26」，並自爆近日頸椎病患復發：「我之前頸椎做過大手術，呢幾個月條頸好梗，作嘔、頭痛，準備照磁力共振，當然唔希望再做手術。之前做手術係好大膽，若果傷到神經，頸以下會成個身唔郁得，好似中風咁。」他又指頸椎傷患始於97年在新加坡跌傷盆骨和肩膊，當時不察覺有問題，十幾年後發作才做手術：「嗰時有幾節椎間盤『冧咗』，做完手術後，右手都長期麻痹，我唔係一個正常人。」