佗Ｂ諗定再生 宋熙年踩兩吋踭老公詐型
藝人馬國明與宋熙年（Sarah）昨日到旺角出席活動，席上播出馬國明化身型仔的士司機所拍的廣告。問到憑《降魔的》人氣接下不少工作，馬國明笑說：「暫時都係廣告一單，估唔到咁草根嘅角色都可以幫我接Job！（賺落唔少？）冇計！都未夠買架的士，依家的士牌好貴架！」又指續集仍在構思當中。
同場的Sarah擔任司儀，早前宣布懷孕的她以兩吋高踭鞋亮相，問到老公陳智燊有否投訴？她笑說：「上次佢一知就詐型喇！咁我哋工作都要尊重場合同貪靚嘅。（出門前畀老公過目？）佢都有提我行動小心啲、慢啲，反而呢樣都排到最後。」她又指懷孕情況穩定，下月會知道BB性別：「始終係第一個，第二個就會希望湊到好字。」
