藝人黃依汶（Emme）昨日出席活動時表示，十分享受親子活動，更可為囝囝陳真無限付出：「囝囝生日我哋去日本，同老公凌晨3點砌個雪人送畀個仔，當時Yumiko（鄭希怡）問我使唔使咁誇。佢早幾日漏夜幫個女（梁浸浸）布置生日會，佢終於明，做家長為咗博小朋友一笑，可以做好多嘢！」談到梁浸浸的生日P，Emme指囝囝初時不願穿「情侶裝」，更扭計爆喊，又搞笑自爆去P前夕在好友兒子的生日會中，偷了牛形氣球送給梁浸浸。