相識半世紀 撐區瑞強開騷 毛舜筠聽Hip Hop起勢Un
歌手區瑞強（Albert）將於5月11至13日在伊館舉行《粵唱越經典演唱會2018》，他事先張揚邀請毛舜筠（毛毛）擔任嘉賓：「我哋識咗幾乎半個世紀，佢第一次做人哋演唱會嘉賓，我真係好感激！」
激讚完美之Sing
每年開一次騷的Albert表示每次都會邀請與自己有深厚感情的好友，上次洪金寶獻出第一次：「佢好唱得，觀眾見到佢都喜出望外，肯定今次毛毛都係！上次我哋喺麗的電視合唱電影《仙樂飄飄處處聞》嘅歌，當年佢16歲，真係唱得好好，我聽到個心暈暈哋，佢嘅歌藝係完美！」毛毛謙稱只有這首歌唱得好，又指當時由Albert教她唱。
提到看着毛毛成長及加入電影圈，Albert坦言當年沒想過對方的演技如此出色：「我後來變咗佢嘅Fans！又靚又識做戲嘅好少！」毛毛自言演戲時腦海中一定有音樂幫助入戲，又自爆最喜歡Freestyle的Hip Hop音樂：「我啲女聽到就好淡定，我一聽到就要起身跳舞！」她還透露早幾年特別去紐約知名的跳舞學校學Hip Hop：「啲老師好勁，唔介意我跳唔跳到，唔會話我跳得差就叫我出去。大家個氣氛好好，好開心！」
文：音樂組
毛舜筠服裝：MARELLA