趙哲妤湊女當娛樂唔急搵「爸爸」

單親媽媽趙哲妤（Uny）身兼父職，認為湊女是一種享受：「餵咗半年人奶，後來因為工作要飛嚟飛去，習慣一半奶粉一半人奶。啲人成日話產後抑鬱，我覺得湊BB唔辛苦，佢好易湊。我好有愛心，曾經想做幼稚園老師，湊女係我娛樂。」

冇得見頂唔順

Uny指女兒給她很大安全感：「生活好有目的，就係為咗令佢可以食好啲着好啲！每日放工就想返去見BB，好掛住。以前鍾意做就做，唔做就唔做，依家會諗會唔會影響照顧BB嘅時間？我唔介意賺少啲，夠食夠住就OK，唔可以離開香港工作成個月，冇得見BB我會頂唔順。」

很多職業女性因為忙於工作，令小朋友較親近工人姐姐，Uny自言完全沒有這個煩惱：「我都想佢黐工人姐姐，可以幫輕吓我。工人姐姐抱佢，佢會喊，我抱佢，佢就好得戚，捉住我隻手已經好滿足。」她透露曾到外地工作，女兒因掛念她而變得沒精打彩，經常望門口，眼睛也睜不大，十足失戀模樣。

趙哲妤唔介意搵少啲，最緊要多時間陪囡囡。	趙哲妤自覺是「高分媽媽」。	趙哲妤很享受湊女過程。

成立「媽媽會」

問Uny想不想找一個依靠照顧兩母女？她坦言：「冇特別諗，主要諗個女先。好沉醉湊女過程，相信上天會為我安排緣分。我都好乖，個女都有福氣，有另一半就欣然接受。」她又稱：「我未必係一個好完美嘅女朋友或者老婆，未必係100分藝人，但講到媽媽，我攞好高分，幾對得住自己。」並認為上天給了她照顧小朋友的能力，所以成立「媽媽會」，開設電話群組跟單親媽媽交流心得。

文：專案組

攝：吳文聰

場地：Mini Hotel Causeway Bay