張敬軒紅館騷加場飛一分鐘被掃光

歌手張敬軒6月紅館騷宣布加場，原定6月15至17日的演唱會門票早前開售火速售罄。一向錫粉絲的軒仔決定順應民意，加開18日一場，昨日讓音樂平台會員優先訂票，結果一分鐘便被掃光。軒仔說：「一開始見到有Fans留言，話一撳入去已經冇晒飛。我都有懷疑，所以都有打番去公司問，真係有啲嚇親，個心都離一離，哈哈！」不過最搞笑是未能成功購票的粉絲，都留言表示覺得買票順暢是件好事，粉絲如此乖，難怪軒仔咁錫粉絲！