陳煒派福利「峰」殺馮盈盈
藝人陳煒及馮盈盈昨日出席電訊商活動，經常性感示人的陳煒，以超深Deep V橙紅色長裙、微露酥胸現身，令身旁的盈盈顯得輸蝕。問陳煒會否出寫真留倩影？她笑言冇諗過：「偶爾派福利令大家開心吓。（度假會唔會着泳衣自拍『派軍糧』？）好耐都冇着過，但遲啲新劇《多功能老婆》會着。」
提到盈盈在《果欄中的江湖大嫂》的喊戲獲網民讚賞，陳煒即爆對方演得投入：「佢啲眼淚打橫飛出嚟，下面死嗰個都畀佢啲眼淚『揼』到醒！」問到盈盈拍喊戲時想甚麼？一向語出驚人的她坦言：「死老竇！」但講完覺得唔對路，即辯稱劇中角色視「長兄為父」。又稱與男友睇劇時，覺得自己很肉酸：「因為嗰妝溶晒，不過我會繼續努力。」
