差啲要認虧佬！陳柏宇公布太太佗女

歌手陳柏宇（Jason）宣布太太符曉薇（Leanne）懷孕三個月，兩人昨日網上分享短片，以切蛋糕來公布BB性別，最後切開是粉紅色，大呼「IT'S A GIRL」。其後，Jason現身電台受訪，指太太每月Keep住驗孕：「佢個個月都驗，網上訂大批驗孕棒，依家屋企仲有好多。」又笑指太太已變成「女王」，乘機不做家務，並透露預產期是10月，但仍未決定開刀還是順產，只暫定留港生BB。提到好友周柏豪讚是「快槍手」？Jason笑說：「上年6月已經開始試，但一直唔成功，喺我嘅世界已經覺得好耐、好漫長！再唔得嘅話，我真係以為自己唔得，心理壓力好大，咁會將成件事嘅樂趣攞走晒。」