羅力威爆老婆新婚夜開錯鮑

歌手羅力威與雨僑前日舉行婚禮，雨僑笑言終可在老公面前證實自己的身份，因拍拖以來，對方一直懷疑她沒讀過大學：「佢成日話唔見我啲同學，到婚禮嗰日舊同學嚟晒，我可以證實到我身份啦！佢唔係娶到個特務。」不過，由於羅力威在新西蘭長大，雨僑自言至今仍沒見過他的同學或老師。

另外，一對新人在洞房夜竟發生「撈亂鮑魚」事件，雨僑表示婚宴後返家，想開罐頭鮑魚煮麵慰勞老公，卻開錯了羅力威的「鎮山之寶」。羅力威笑說：「隻鮑魚好大隻，我哋兩個食唔晒，佢覺得自己好似做錯事，喊住食個鮑魚即食麵！」雨僑自爆喊到小學生抽搐一樣，感到非常不好意思。