泳兒搬屋擇吉時焗男友瞓地
歌手泳兒昨日任活動表演嘉賓，以A Cappella（無伴奏合唱）形式獻唱，泳兒自爆抱恙上陣：「患咗重感冒，呢排啲天氣真係轉變得好犀利，我之前都有頭痛，但啲感冒發唔到出嚟，終於呢幾日就爆發。」而她近日更忙於為搬屋執拾：「愈執愈多箱，執咗差唔多4、50個紙箱都只係執咗一半，連搬屋公司啲人都冇諗過要準備咁多紙箱。」
泳兒自言有潔癖亦愛整齊，為免將塵埃帶到新居，會清潔乾淨才把物件放入箱，到時一拆箱便可直接安放，是喜歡先苦後甜的人。她又透露會擇吉日搬屋，但因新的床褥未能配合「安床」時辰送到，惟有先將舊床褥搬到新居，所以搬家前一晚她要睡梳化，男友惟有「打地鋪」，翌日才正式搬屋。
