何雁詩孖男友蜜遊扮失憶
藝人何雁詩（Stephanie）昨日出席商場復活節活動，早前旅行期間「水着」大解放的她心情靚爆，全程笑不攏嘴。受訪時，問她為何出活動時穿得這麼密實？Stephanie害羞地說：「去加勒比海用盡咗啲Quota（配額）！」
問到是否跟男友鄭俊弘（Fred）一齊去？她即時扮失憶話不記得：「費事佢啲Fans嬲呀！（佢有冇同你求婚？）梗係冇！邊有咁快，諗起都驚。」問到去完旅行有否加深了解？她甜笑謂已經了解好深，都識了好多年，冇得再深。
同場的張景淳預告將開拍合拍劇，又表示最近跟好友去日本旅行，自爆凌晨落機搭的士回家時跌銀包：「搵唔番個的士司機，因為係搭上搭咁搵，入面都有幾千蚊，希望搵得番。」