李思欣扮學生妹着埋校服買飯
藝人李思欣早前與林作、吳浣儀等合作演出舞台劇，她在劇中以學生妹造型示人，並表示除學生外，更有拍拖、做人母等多個不同階段，相當有挑戰性，思欣笑言：「因為臨開場忙住排練，我嗰下係着住校服做學生，為咗爭取時間，仲着住套校服出去買飯食。」
思欣已完成第一場演出，她指上台前只有一次正式排練機會，因此有點緊張：「第一日好多親友嚟支持，都覺得緊張，但聽到台下觀眾笑，就放心好多。演出時都有蝦碌位，喺劇中我有個八歲仔，上台時都要照顧埋佢，佢爭啲行咗落台。（有冇感動喊位？）吳浣儀死嘅一場，我真係喊咗，真情流露，其實都開心事後啲朋友話好睇。」
