Sunny@Supper Moment跑10K腳抽筋

樂隊Supper Moment（SM）昨日為道路接力賽任表演嘉賓，而歌手鄧穎芝則與多名運動員組成星級跑手隊落場。已是第二年出活動的SM，被問到為何不落場？Sunny說：「我哋下晝要上深圳表演，可能等出年，如果時間上安排到。」成員CK透露他們試過跑步，更爆Sunny跑得快：「有次試過喺高雄跑10K短馬拉松，Sunny跑咗四十幾個鐘，講笑啫，係四十幾分鐘。數落都好似有五十名，不過嗰次佢跑到抽筋，都叫咗佢唔好咁搏命。」而Sunny亦自認跑得最快：「因為讀書時係校隊，有玩長跑。我覺得除咗比賽過癮外，仲可以令你做到預期以外嘅嘢，可能由一開始只跑到1K，慢慢跑到10K，令你知道好多嘢其實唔難，只要肯花時間就做到。」