父母黃錦燊與趙雅芝都是香港演藝界名人，但Wesley認為雙親對他影響不算大：「因為我細個嘅時候，佢哋冇帶我去片場或者出席演藝界活動，就算去過，佢哋都唔會話畀我聽演戲係咩一回事。」不過，Wesley猶記得年幼時差點有機會父子檔合作：「有次爹哋拍戲，我去睇佢，佢問我想唔想客串一個走失咗嘅小朋友，講個警察叔叔買雪榚畀我食。我當時為咗食雪糕而一口答應，但埋位時就推咗。」
問到父母的劇集或電影中，最令他印象深刻的是哪一部？Wesley說：「應該係爹哋主演嘅劇集《真情》，我好鍾意佢飾演『貓屎』呢個角色！其實佢嘅形象都有好多變化，飾演警察同黑社會人物都試過，印象真係幾深刻！相反媽咪喺我記憶所及，已經好少拍戲拍劇，所以對佢嘅演出印象唔係太深。」