翠如整蠱蕭正楠畫電視機當禮
藝人黃浩然與黃翠如昨日於尖沙咀出席活動，碰巧前日是翠如男友蕭正楠（Edwin）生日，翠如透露安排了神秘生日派對，相約大班朋友慶祝，更玩大整蠱！她笑指Edwin最初以為只有一位朋友與他慶祝生日，更不斷問為何沒有朋友來，後來餐廳老闆娘要他們換房，其實一大班朋友早已在另一房間等待，翠如說：「玩咗佢半個鐘，其實今次係黃長興同埋我安排，袁偉豪同就最後出現！」浩然指最搞笑的是曹永廉，身在橫店拍劇的他透過視像電話表示：「拆緊頭套，我過緊嚟啦！」問到送甚麼禮物給男友，翠如笑指原本想送電視機但趕不及買，最後畫電視送給他，笑說：「睇完咪擺低！」
廚藝被踩 拒上《美女廚房》
談到蕭正楠即將主持節目《美女廚房》，問到可會上節目任嘉賓？翠如說：「唔制，我成日畀佢踩，等佢讚到我心花怒放，我再考慮吓 ！（踩你整燶雞蛋？）邊有可能！我正常嘢都識煮！」浩然在旁交戲：「我都有食o架，好味，五花腩得呀！你一陣畀番五舊水我喎！」翠如則笑謂：「我都冇煮過！」又指若她粉墨登場，就代表她對廚藝很有信心！不過浩然笑言：「你到時唔好搵我做嘉賓，我唔想試食！」
此外，翠如在社交網上載恩愛相，祝Edwin生日快樂，更稱呼男友做Boss：「My BOSS Happy Birthday n Happy Everyday。」
文：影視組