無綫劇集《刑事偵緝檔案》前晚緊接《流氓大亨》在深夜時段重播，繼續掀起煲劇潮。網民紛紛指陶大宇飾演的「張大勇」一角甚為經典，尤其是他和「Jessie」郭可盈的一段情，又表示廿三年前的大宇「青靚白淨」、「當年都係小鮮肉」等，笑言非常懷念他常將Jessie讀為「車匙」或「姐匙」！
昨日大宇接受電話訪問，直言當年《刑》劇九成戲份都落在自己身上，他笑說：「拍咗三個幾月，每日只係瞓到幾個鐘。（咁辛苦都Keep到小鮮肉嘅樣？）哈哈！算係咁啦！至於將Jessie讀成車匙，我當年已經知，拍嗰時個個都笑，我又覺得大家拍得咁辛苦，當係小娛樂，所以冇刻意改正！」另外，有不少網民笑指當年「包包面」的郭可盈，現在是「刀削面」外，更發現著名粵劇花旦、被封國家一級演員的蔣文端，亦有飾演收銀員！