林淑敏「情海翻波」有大隻仔追

林淑敏（右）與謝芷倫被網友指似樣！

林淑敏、許家傑、謝芷倫及呂慧儀等昨午到長沙灣出席無綫處境劇《愛．回家之開心速遞》宣傳活動，與一眾家庭大玩遊戲慶祝復活節來臨。「大小姐」林淑敏與「送水輝」許家傑這對螢幕拍檔相當受歡迎，不過林淑敏昨日與「秘書Mandy」謝芷倫齊齊受訪時，卻自爆：「就嚟有個香港先生加入，向我展開追求，形成三角關係，但暫時要保密，唔講得係邊個住，好開心身邊有咁多肌男囉！」而「送水輝」回應時則氣定神閒：「我未知對手係邊個，不過唔使擔心嘅，我咁有魅力唔會輸啦！」

呂慧儀張景淳有火花

由於「龔燁」張景淳即將「離隊」，網民近日發起「龔燁行動」，身為其劇中曖昧對象的呂慧儀在台上搞笑問台下觀眾：「你哋支唔支持『龔燁行動』先？」台下觀眾答：「唔支持。」呂慧儀即「得戚」說：「咁我話畀佢聽，唔好盡信網上留言嘞！」她事後受訪說：「張景淳有其他嘢拍，咁都冇計，估唔到我哋『發展』咗四個月，群情就咁洶湧，我哋呢對歡喜冤家好有火花。」她又指囝囝已放復活節假，並要求到片場探班，問到會否安排對方客串？呂慧儀說：「唔會啦！我Manage自己都咁差，仲要顧埋佢？」

許家傑打趣說自己魅力非凡，唔驚被「撬牆腳」。

呂慧儀爆囝囝要求到片場探班。

另外，劇中演「Terry」李偉健「舅父」的歐瑞偉早前被指會「離隊」，拍到284集時，「Terry」捧着「舅父」KC的黑白車頭相。有網友擔心KC會死，亦有醒目網民估到是劇中的幻想情節。

文：影視組