張智霖唔知情：有緣會再見！

張智霖、文詠珊（JM）、鍾楚紅與林嘉欣等前晚現身品牌舉行的家具系列展，提到無綫將開拍新版《衝上雲霄》，並有意拉攏內地爆紅的陳偉霆參演，但在《衝》劇中飾演「Cool魔」的Chilam卻因公司問題而無緣演出。對此，Chilam坦言不知情：「係緣分，有緣始終會再見。（覺唔覺得可惜？）每個狀態都唔會永恒，呢刻未必得，相信唔會永遠唔得，期待同唔同門口（單位）合作。（覺得『Cool魔』係無可取代？）唔係，人人都可以做到。」

靚靚見青霞好拘謹

日前Chilam與太太袁詠儀（靚靚）及一眾友人跟林青霞飯敍，他取笑靚靚當日在青霞面前表現拘謹，變回小女孩：「因為青霞係佢嘅偶像，佢好鍾意呢位大姐姐。（靚靚有冇向青霞請教保養心得？）冇講呢啲，佢太緊張，講唔到嘢，成餐飯好安靜。」Chilam大讚青霞是其心目中的女神，問到靚靚與青霞誰更漂亮﹖他指兩人各有不同，又說跟青霞幕前合作的機會微乎其微。

「Cool魔」張智霖（右二）與「Sam哥」吳鎮宇，在《衝上雲霄》中型到爆！	文詠珊指黎明一向細心，會是個好爸爸。	鍾楚紅仍然懷念故友張國榮。

JM恭喜黎明冇回覆

至於JM透露有傳短訊恭喜前老闆黎明榮升爸爸，但未獲回覆，問她對此消息是否感突然？JM說：「有啲，我都冇見佢一段時間，唔知道佢近況。（覺得佢係咪好爸爸？）覺得係，因為佢好細心，佢屋企有好多寵物，係一個好有愛心嘅爸爸。」她又表示5月會到內地拍劇，而男友在內地有工作，所以不用分隔異地。另外，4月1日是張國榮（哥哥）逝世15周年，鍾楚紅表示哥哥一直在她心中，不需要任何儀式，每當重返兩人曾合作拍戲的舊地，就會勾起不少回憶。

文：影視組