胡鴻鈞「蜜月」照顧許廷鏗
歌手許廷鏗（Alfred）、胡鴻鈞（Hubert）昨日出席理財活動，自上個月的冰島之旅被取笑為「蜜月行」後同場，兩人不避嫌大方合照，但隨後受訪時唱片公司安排同場的譚嘉儀站到二人中間。
近日有網民惡搞身形發福的Alfred與「亞洲神童」張如城是失散多年的兄弟，Alfred聽完自嘲亦覺得似，問到是否因冰島之旅太開心導致發福？他說：「應該唔係，去冰島嘅時候凍到病咗。」問到Hubert當時有冇照顧他？他說：「我成日都照顧佢，喺心靈上開導佢。（幫佢冚被？）唔使喇！咁大個人！」快將生日的Hubert表示希望平淡地過，更約埋Alfred開Live找數，Alfred解釋：「因為我哋喺冰島嘅時候應承大家開Live，但係實在太凍，所以依家找數。」談到理財話題，嘉儀笑言自己是慳妹一名，Hubert亦認同理財的重要：「會交畀媽咪幫我睇住。」
