松岡李那苦練廣東話變爆粗!
藝人松岡李那「瞓身」演出新片，除了性感色誘拍檔張建聲，苦練全廣東話對白被朋輩笑發音似爆粗，令她氣結！而胡杏兒在另一新片中「離奇慘死」又會不斷出現，吳鎮宇打趣指杏兒「易撈」，張智霖力撐她「唔簡單」！
古天樂、張智霖（Chilam）、胡杏兒、吳鎮宇、周柏豪、何佩瑜及松岡李那等，昨午出席hmv數碼中國集團2018新片發布會，大會公布今年製作，重點推介兩部重頭戲《作家的謊言》及《死亡通知單：暗黑者》先後開拍。
內衣色誘張建聲
張建聲監製的《作》片籌備兩年，除何佩瑜增肥15磅演出外，另一亮點是松岡李那以全廣東話對白演戲，更要色誘張建聲及演大膽床戲！松岡受訪時被要求以廣東話對答，但中途已「轉台」講英語，談到學廣東話的艱辛，她說：「最難係發音，我覺得自己準確，但旁人覺得似粗口，跟住大笑，我背對白叫翻譯逐句錄音畀我聽囉！」當問到戲中有否性感演出時，松岡說：「有着內衣色誘張建聲，我哋有激吻戲，我第一次咁性感，係挑戰！」
鎮宇：拍兩日得啦
至於Chilam、吳鎮宇及古天樂將於《死》片中合作，扮演Chilam女友的胡杏兒離奇慘死引發連串故事，鎮宇聞言即向杏兒搞笑說：「咁講你企喺綠布景拍兩日就得啦！」事後Chilam受訪時幫杏兒「澄清」：「梗係冇鎮宇講得咁簡單啦！杏兒帶出故事o架！況且佢會不停用特別嘅方式喺套戲內出現。」又指角色及劇本吸引，會珍惜演出機會。
文：影視組