歌手李蘊2015年下嫁廣州金融才俊羅章冠後，翌年5月誕下女兒羅紫晞，昨日她在社交網上載驗孕棒相（圖）表示再度懷孕，她更為生B而剪短了頭髮：「晞晞要做家姐啦，今年會有隻小狗嚟到我哋屋企！」昨日她接受電話訪問時表示已懷孕4個多月：「仲未知性別，會返嚟香港生，自然分娩。（反應大唔大？）一向我都反應麻麻，冇乜胃口，但唔舒服已經過咗。（追仔？）每個人都想啦，有仔有女先覺得圓滿，但冇所謂啦，係天畀嘅禮物。」兩位好友何超蓮、G.E.M.知道她懷孕後亦戥她開心。
