袁偉豪唐詩詠突然嚟料嘴對嘴
藝人唐詩詠與袁偉豪昨日宣傳無綫新劇《棟仁的時光》，兩人在台上「奉命」咀嘴，全場嘩然！袁偉豪不擔心同場的女友張寶兒介意，更得戚笑說：「開工冇得介意，都已經米已成炊！」
無綫昨日出動逾60位花旦、小生，包括王浩信、唐詩詠、黎耀祥、田蕊妮、陳展鵬、黃翠如、洪永城、袁偉豪、蔡思貝、麥明詩、劉佩玥、朱晨麗、黃心穎、林夏薇、張曦雯及張寶兒等，齊齊到會展「香港國際影視展」出席「TVB 2018戲劇綜藝強勢登場暨業務發佈會」，席間宣布與優酷、TVBC共同推出TVB「全球同步劇」系列；全新普通話翡翠台亦於TVB Anywhere啟播；以及與泰國合作夥伴推出TVB Anywhere Thai Pack。
靠Kiss「加時」續命
眾藝員先後出場介紹劇集及綜藝節目，唐詩詠與袁偉豪落力推介主演劇集《棟仁的時光》，劇中袁偉豪靠接吻偷取時間續命，隨即與唐詩詠突然嘴對嘴錫錫，全場嘩然！二人受訪時，袁偉豪表示是依照公司安排咀嘴，詩詠亦說：「今年每套劇都有想表達嘅意思，其實係珍姐（曾勵珍）諗，因為劇中佢（袁偉豪）要用Kiss去偷時間，我哋都係做番角色，唔敢唔錫。」
狂咀男人拮親
袁偉豪續指劇中與詩詠並不多咀戲，反而錫了十多位男人，問到咀男人可有咀上癮？他笑說：「冇所謂，但就畀男同事嘅鬚根拮親！」詩詠笑說：「你終於明白女仔嘅感受，拍嗰陣佢滿面鬍鬚，同佢人工呼吸都畀佢啲鬚整到塊面好痕。」問到可擔心女友張寶兒介意？袁偉豪笑說：「開工冇得介意，都已經米已成炊！（寶兒會唔會嫌棄你咀過咁多男人？）佢唔知o架，嗰陣仲未識佢，我返屋企會消毒、漱口。」
文：影視組