林峯消瘦認分手
藝人林峯正式宣布與吳千語分手，結束5年情，明顯消瘦的林峯表示之後會專注工作，笑言經理人「質爆」他。而千語之後亦於社交網留言指會勇敢面對。
林峯與年輕14歲的吳千語拍拖5年，由傳「婚訊」變成「分訊」，早前林峯與內地模特兒張馨月到主題樂園遊玩，惟「峯語」都未有親口回應感情問題。直至昨日，林峯出席影視展的英皇電影巡禮，正式宣布與千語已分手！全黑打扮的林峯精神尚好，但明顯消瘦，他否認為情消瘦：「我冇咁脆弱！因為我拍緊網劇《PTU機動部隊》，冇理由做個肥警察！我講埋呢次，私人事以後都唔答，其實我同千語都分開咗一段時間，畀啲空間我哋，感情隨緣啦！我會集中番工作！」
為情放鬆了工作
問到二人何時分手？新女友是否內地模特兒張馨月等問題時，林峯一概封嘴，只說：「多謝關心，唔講喇！再講就沒完沒了，況且今年事業上係我重要嘅一年，有三套電影，又有劇集同返內地開工，都好忙。（填滿工作忘記情傷？）唔係，我經理人作風就係『質爆我』！（依家咩Status？）都話感情唔答！」與千語和平分手的林峯承認過去多年都放鬆了自己的工作，經過一輪沉澱後要再衝刺。
勇敢面對未來
至於千語之後亦於社交網作出回應，留言說：「感謝各界朋友短訊關心和支持，請原諒我選擇以社交平台作一次性的回應，5年間全心全意投入感情，要完全放下實在不容易，大家請給我空間適應，未來我會勇敢面對。希望今後大家會繼續給我支持，並多留意我的工作。」
文：影視組