謝安琪保留腰力明年帶仔出戰
歌手謝安琪（Kay）和任賢齊昨日出席慈善單車活動，多年來兩人都是該活動大使，Kay除了因為生BB而缺席兩屆，昨日她回復Fit爆身段「復出」，但今年Kay說要保留「腰力」，預告明年會帶大仔張瞻一齊出戰。
Kay與任賢齊昨日分別連趕兩個慈善活動，雖然清晨六時多，兩人都精神奕奕。Kay明顯收身成功，問到可有帶小朋友到場參與？她說沒有，因為之後她還有另一個活動要出席，同時以為10歲的兒子張瞻「未夠秤」參加：「以前呢個慈善賽係要12歲以上先可以參加。（今次最細嘅參加者係8歲呀！）係囉，可能年齡降低咗，下年佢11歲就可以帶佢嚟。」她又說其實今次都好想落場踩單車，但因為生完BB後要保護腰骨，不敢太搏，笑言今年保留實力，下年「重出江湖」。
張靖好識得Social
談及Kay的B女張靖快將一歲生日，她則搞笑指希望B女可以見到契爺麥浚龍：「知佢依家忙緊拍戲，但小朋友有個夢想就係想見佢。（會唔會搞Party？）咁又冇，但會約幾個朋友食吓飯，不過日前就有帶佢去參加蘇永康同車婉婉嗰兩個小朋友嘅生日會，見到囡囡好Social，令我都另眼相看！」
至於小齊活動後，同樣要趕去另一個慈善活動，他說香港人非常鍾意做戶外運動，又可以做慈善，一舉兩得。小齊又指希望下年可以與小朋友一同參與，但就要先去練車。
文：音樂組