羅霖念及家人打消輕生念頭
藝人羅霖昨日以正能量大使身份出席東華三院活動，自爆剛離婚時及去年年底曾閃過輕生念頭：「做完嘢返到屋企覺得好攰，會諗應該點行落去，有啲迷茫，但其實咁嘅諗法好自私，我自己解脫咗，但父母同小朋友會活喺陰影之下，所以要繼續向前行，我依家好感恩，每日都好健康。」
問到現時是否面對經濟壓力？羅霖直言想儲首期買樓，奈何要供三名兒子讀書而不得不打消計劃，她無奈說：「我年紀唔細，唔知可以做多幾多年，希望我冇能力嘅時候，劉家（前夫劉坤銘）可以照顧佢哋。依家二仔喺外國讀書，大仔本來喺外國讀咗三年大學，佢決定轉系，會返香港再讀大學，都使咗百幾萬。（會供細仔去外國讀書？）未知，佢依家先升中一。前夫有供細仔讀書，但將來唔知。（希望前夫幫手？）當然，佢唔幫嘅話，我支持得好辛苦。其實兩夫妻離咗婚都可以做朋友，有商有量，但過咗五年幾，仲未做到。」