方力申主動握手 嚇親Stephy
藝人方力申和鄧麗欣（Stephy）雖然已分手兩年，但每逢3月兩人都會一齊現身《揹水一戰》慈善活動，令兩人每年一度「復合」，昨日小方更主動出擊與Stephy「握手」兼合照，Stephy被殺個措手不及嚇到呆，場面爆笑。
小方和Stephy聯同任賢齊、陳瀅、歐鎧淳及胡子彤出席開步禮儀式，眾人揹住4.5公斤水樽挑戰15公里賽事。開步禮期間，Stephy先上台，之後小方上台即主動跟她握手，Stephy卻被小方這個突擊舉動嚇到用手揞住心口，更呆了一秒才懂得反應伸手跟小方握手，又忍不住笑，此時司儀伍家謙叫小齊上台，小方反應好快，示意小齊稍等一陣，好讓他和Stephy先給傳媒影合照。
不約而同冇操練
講到大會安排兩人在不同時段受訪，小方認為很正常，因為大家不同公司，笑言：「我都想一齊做，你知我個人好冇所謂！」講到Stephy連奪影后獎項，小方大讚對方當之無愧。談到無綫開拍新一輯《美女廚房》，大批網民想小方再做主持，他對此說：「做《美女廚房》改變咗我好多，以前個人好悶好拘謹，幫我成長咗好多，10年前嘅事啦，依家係唔同年代。」又透露昨日挑戰15公里，但由於拍戲及放假沒有操練，寄望下年有好成績。
另一邊廂的Stephy被問到是否被小方「突擊出手」嚇親？她笑言：「可能我唔夠瞓，呆吓呆吓，一擰轉身就見到個咁大隻嘅人，就嚇一嚇。（佢大隻咗好多？ ）可能係今日件衫嘅問題顯得有啲大隻，同埋原本Rundown佢未上台嘅，佢早咗上台。」問到小方可有恭喜她奪獎？她直言對方一早恭賀了，並自爆兩人有私下見面：「之前都見過面，係啲私人團體活動，唔係公開活動。」她不約而同指今年沒操練，只能盡力而為，記者即講到小方說了同一番話，提議兩人一齊操練，Stephy說：「畀埋啲水佢拎，盡力而為啦！」
陳瀅指緋聞肉酸
同場首次參加活動的陳瀅，問到為何不找緋聞男友羅天宇一起參加？她即劃清界線，指對羅天宇沒有感覺：「本身都係Friend，唔係好鍾意畀人講。（有冇Feel？）冇！唔好無喇喇介入，睇到都覺得肉酸。」之後她還指小方才是自己的男神。
文：音樂組
攝：劉斌