「地獄廚神」麥美恩燶邊蛋餵許文軒
藝人麥美恩（Mayanne）及緋聞男友主播許文軒（Edmond）到馬鞍山出席復活節活動，即場煎蛋並餵對方食。Mayanne自認地獄廚神，但今次的燶邊荷包蛋煎得有板有眼，獲Edmond畀八分。
Mayanne笑言最叻是將雪櫃的食材全放入煲，煮成一品窩：「以前啲男友有試過，但都係驚嘅！」講到有傳無綫再搞節目《美女廚房》，Mayanne說：「我想去呀！可以令大家另眼相看，好似小儀咁！（你係地獄嗰邊喎！）咁我唔會好似Kary（吳雨霏）咁燒咗個廚房嘅。」兩人提議可有更多合作，例如拍旅遊節目，名都諗好叫《四個酒凹去旅行》，並笑言竟有人相信他們的緋聞，包括田蕊妮。
