英國男子組合One Direction（1D）25歲前成員Zayn Malik最近才被指在胸前紋上疑似22歲美國名模女友Gigi Hadid的眼睛圖案「愛的紋身」，前日卻驚爆分手！Zayn取消追隨Gigi的社交網站後，轉頭即追隨25歲美國女歌手Demi Lovato，引起揣測！
Zayn前日於社交網站Twitter宣布與拍拖兩年的Gigi分手：「Gigi同我有段有無比意義、敬愛同愉快嘅關係，而我對Gigi作為一個女性同朋友嚟講都十分敬重同崇拜。佢擁有一個令人難以置信嘅靈魂。我非常感謝我哋所有嘅粉絲喺呢個時候，尊重呢個艱難嘅決定同我哋嘅私隱。希望你哋從我哋得悉呢個第一手消息。我哋愛大家。」
相隔12分鐘後，Gigi亦在自己的Twitter承認分手：「分手聲明往往睇落冇人情味，因為實在唔能夠用文字講述兩人過去幾年所一齊經歷過嘅事情……唔單止講一段關係，亦講緊人生。我永遠感激Z（Zayn）同我分享嘅愛、時間同人生課堂。我只希望佢一切安好，而佢作為一個我非常尊重同熱愛嘅朋友，我會繼續支持佢。至於未來嘅事，要嚟嘅始終會嚟。」
今次二人分手令不少人大跌眼鏡，二人去年11月才慶祝拍拖兩周年，上月Zayn更在胸部紋上疑似Gigi眼睛圖案的「愛的紋身」。雖然二人口口聲聲表示再見亦是朋友，但Zayn已急不及待取消追隨Gigi與其母Yolanda的Instagram（IG），轉頭改為追隨Demi的IG，令人揣測Zayn是否與Demi搭上而導致分手。亦有傳聞指Zayn與Gigi因工作關係長期分隔異地，令感情生變，於今個月初決定分手。Zayn日前於IG上載自拍照露愁容並爆粗留言：「當人生向你掟檸檬，你要捉住佢等佢哋（檸檬）唔會打到你塊X面。」Gigi上月情人節亦反常沒有貼Zayn照片，為分手露玄機。
Gigi與Zayn獨愛圈中人，Gigi曾與Joe Jonas及Cody Simpson拍拖，而Zayn曾與英國女子組合Little Mix成員Perrie Edwards於2013年至2015年期間拍拖，手臂亦曾為對方紋上「愛的紋身」，但二人訂婚三個月後分手，當時Zayn轉頭已搭上Gigi。
文：外娛組