11點前瞓Keep靚樣 陳嘉容大腳高妹焗着男鞋子
身高1米78的名模陳嘉容想過當警察，自細因身高關係，令她置裝困難，最慘是身為女兒家，返學竟要着男裝鞋。踏入模特兒圈子後，她對自己要求愈來愈高，更因而承受很大壓力。
陳嘉容（Eunis）穿上古着睡衣為東網巨星最新一集「海馬牌床褥特約」《閨蜜睡房》任嘉賓，與主持人李惠儀（Kiwi）分享做模特兒的趣事。
想做佗槍師姐
自小已高人一等的Eunis被人叫做「高妹」，但從未想過做Model。她在畢業那年暑假與家姐出去玩，機緣巧合下獲邀做模特兒，Eunis自爆以前想過當警察：「因為爹哋、媽咪想我哋有份穩定嘅職業。」但笑言難以想像自己做警察的樣子。
Eunis又指因身高關係，小時候遇到不少不快經歷，她說：「買唔到衫褲鞋，永遠吊手吊腳，隻腳因為太大，買唔到女仔鞋，我記得細個要着男仔鞋返學。」每當看見身邊女同學穿着的鞋又芭蕾舞款式、又有蝴蝶，但她卻要穿男裝鞋，就自覺好慘。
模特兒界壓力大
作為模特兒的Eunis自我要求甚高，為求精神狀態、皮膚變好，她盡量每晚十一時前睡覺，又勤做運動兼節食，她說：「其實係幾大壓力，如果啲頭髮太乾又或者嗰排緊張甩頭髮，我會好低落，肥少少件衫着唔落又唔開心，但係冇辦法，踏入咗呢個圈就要去承受，我都已經慣咗。」想知道陳嘉容更多在模界的秘聞，記得星期五、六、日收睇《閨蜜睡房》喇！
文：音樂組