黃美棋力的表現孭起200磅Bob
外表嬌滴滴的藝人黃美棋原來是「大力士」！近日有份主持無綫綜藝節目《大玩特玩》的她，昨日錄影節目等埋位時施展「力的表現」，挑戰孭起體重近200磅的林盛斌（阿Bob）！昨日二人不約而同在社交網上載短片，挑戰孭起阿Bob的美棋在片中自爆只得1米53高，但未有透露體重。原以為目測不足一百磅的她會挑戰失敗，怎料美棋竟成功將阿Bob孭起，更能保持5秒並繼續向前行，最終足足行了廿步。
腎上腺素飆升
美棋此舉「力的表現」，令在場人士嘆為觀止，紛紛拍手尖叫歡呼，而美棋邊行邊大叫，阿Bob亦驚訝高呼：「有冇可能呀大佬？」一眾網友坦言看不出美棋力大無窮，更封她為「力王棋」！對此美棋昨日接受本報電話訪問，憶起當時的情況仍十分興奮：「因為嗰堆Artists入面我最細粒，我就話好呀，我都驚唔得，但原來行到喎！可能我嗰刻太興奮，腎上腺素飆升。我放低佢之後啲人問佢幾多磅，佢話一百九十幾，我嗰刻就吓！原來都幾犀利o架喎！」
「呢件o靚妹好勁」
至於Bob亦大讚美棋厲害，更封她為「大力士」：「我諗佢100磅唔夠，我就接近200磅。我（等埋位時）突然見到佢抱起Dominic（何浩文），我話唔係咁勁呀嘛？之後啲人叫我試吓啦，我諗住佢死梗，我一趴上去，佢仲行得到，我覺得呢件o靚妹好勁呀！」
文：專案組