黃子華激嬲胡楓?跪地認錯
年屆86歲的胡楓（修修）一連兩場《胡楓86破晒紀錄演唱會2018》前晚圓滿結束，男神黃子華驚喜現身，指修修是他的恩人，提議他在紅館開騷，但實則借他「試刀」，修修即霸氣回應子華，嚇得子華當堂跪地認錯，全場爆笑。
修修的紅館騷尾場嘉賓陣容鼎盛，連男神黃子華都來朝聖，驚喜現身令全場起哄！他笑問修修：「依家嚟到紅館唔識人喇？」並向修修送抱，修修表示不敢請他，子華說：「有冇人擔過櫈你坐？全香港咁多人做表演，只有你有資格坐喺度做，我『棟篤』咗十幾廿年，坐都係坐樓梯口咋，只有你由頭到尾可以坐喺度。」修修回應：「因為你『棟篤』嘛，咪齋企囉！」子華又提議修修帶隊拍《三個小生去旅行》，修修表示加多了譚詠麟，但怕請不起他們二人，子華即指不收錢都陪修修。
當年提議紅館棟篤笑
子華大爆修修是恩人，當年他在伊館開十多場棟篤笑，入場人數才等於開六、七場紅館騷，是修修提議他開紅館騷，修修說：「記得，我話你做就嚟紅館做！」子華笑言原來修修搵他小試牛刀：「你90歲嚟到開騷，我幫你伴舞。」修修扮嬲說：「我試刀？我使試刀？我70歲嗰時已經喺呢度開騷，我使試刀？」子華「笠水」即場跪拜致歉，向修修笠高帽：「今日你小場大用。」
文：音樂組