貝安琪德國探親囝囝玩食雪

模特兒貝安琪（Ankie）與陳昭昭前日出席中華才藝小姐國際大賽，Ankie表示早前帶囝囝到德國探親剛返港，故非常疲倦：「囝囝又玩雪又食雪，仲食咗好多德國嘢，但因為太凍，囝囝瘦咗。（農曆新年去邊？）想享受陽光與海灘，但怕小朋友唔適應時差會好攰，我哋呢幾日都瞓得好少，同Simon（未婚夫）輪流照顧BB，都好享受。」她又透露正忙於籌備囝囝2月1日的1歲生日派對。而早前榮升人妻的陳昭昭表示今年第一年派利是，會預5萬元，婚後不停工作的她自爆被老公詐型，要到2月底才有時間度蜜月。