顏子菲瘦咗內外換過晒
藝人顏子菲、林雅詩與經理人兼緋聞男友馬天樂、筱靖、蔡國威、許嘉浩、楊埕、周美欣等前晚在尖沙咀出席首映，以低V晒「事業線」性感示人的顏子菲因被友人嫌打扮沉悶，故悉心打扮亮相，今年會走型格性感路線：「Keep Fit後瘦咗兩個碼，身材、身形都好咗想着靚啲，呢排都成日Shopping，內到外都要換過晒。」
對於有香港女子到台灣進行抽脂隆胸手術死亡，曾做過抽脂隆胸手術的她說：「聽到都覺得好Sad，事前要三思做足功課，台灣、韓國好多醫美團係方便，但都要安全，貪靚都要保護自己，貪靚冇咗條命就好慘，屋企人好傷心。」問到有沒有擔心自己？她說：「我好健康企喺大家面前，所以醫生手勢係好重要。」而林雅詩於農曆新年要到內地登台40場：「20日裏面登40場，有啲仲要一日走3場，自己都未試過，要練定賀年廣東快歌。」