柳妍熙暗黑水煮牛肉孝敬壽星媽

東網巨星節目《星級煮意》今集邀得在四川出生的歌手柳妍熙為大家炮製一道家鄉菜「水煮牛肉」，煮得有板有眼的她卻自爆「黑歷史」，笑言首次下廚煮這道菜是為媽咪慶生，豈料買錯豬肉當牛肉、麵粉當生粉，讓對方吃了一頓「難忘」的生日飯！

柳妍熙（Shay）在《星級煮意》示範「水煮牛肉」，見她手勢純熟，但卻謙稱沒有煮食天分：「第一次煮呢個菜係媽咪生日，好記得，因為我好烏龍，牛、豬分唔清，記得嗰日買咗豬肉當牛肉！」又笑言當時「厚切」豬肉：「好驚切到手，所以切得好厚，依家識順紋路嚟切。」

重手彈油有陰影

除此之外，Shay還將麵粉當生粉，落油的分量更遠超過菜譜：「倒咗半支油，結果出問題，啲油彈出嚟，整親手起水泡，痛到爆，所以依家煮嘢食有陰影！」最讓Shay驚訝的是，媽媽竟吃下這道「暗黑水煮牛肉」，她說：「我試咗少少，鹹到呢，應該係媽咪一生人當中食過最難食嘅生日飯！」又自言今次再挑戰這道菜式，可謂落足心機，並笑指自己進步了不少，廚藝可媲美廚神。