李思捷投訴林敏驄開工掛住溝女
今集東網巨星節目《娛樂onShow》邀請藝人林敏驄、李思捷及狄龍擔任嘉賓，分享拍攝電影的趣事，擔任導演的李思捷當面「投訴」林敏驄，指他在拍攝期間麻煩到不得了，在鏡頭前周圍走兼撩女仔，令林敏驄聽罷後「報仇」，揚言若可以打一個人，必定會揀李思捷！
藝人林敏驄、李思捷和狄龍日前接受東網巨星節目《娛樂onShow》主持人李文珊（Sherman）訪問，分享合演電影的趣事。今次李思捷既做導演又做演員，他坦言開拍該片是為了尋找過去的回憶：「我細個大約80年代頭，每年都好期待賀歲片呢個檔期，唔知點解到2000年打後，少咗呢一種喜劇，咁我覺得依家少咗，同埋個社會係咪好多嘢都改變咗呢？到我做導演，想拍番呢啲戲種，因為呢種家庭溫暖，係一種好深刻嘅快樂。」
唔敢打錢小豪
講到拍戲難忘事，李思捷竟當面「投訴」林敏驄，指他十分麻煩，李思捷說：「你要接受鏡頭前嘅林敏驄，麻煩到不得了，周圍走，全世界準備埋位，阿驄就走咗去遠處撩女仔、食嘢，又唔知做乜，又話要去廁所。」
及後當Sherman與三位藝人玩二選一處境問答時，問到林敏驄若可以打一個人，會選擇李思捷還是錢小豪？林敏驄秒答表示會選擇李思捷：「錢小豪識還手，李思捷可以任打，打到佢殘廢都冇聲出！幾時夠錢小豪打？狄龍都唔夠膽打佢！」想知道點解狄龍會接拍此電影？林敏驄又點大放笑料？快啲入東網巨星睇《娛樂onShow》啦！
文：專案組
場地：故宮薈
https://goo.gl/xSB2hP