選美奪冠Lenny勝在大膽
擁有四分一滿州血統、現年21歲的模特兒Lenny Wong（黃國蘭）早前到深圳參與2017環球世界小姐總決賽，接受連串問答、泳裝及各項考驗，憑藉標致外形及淡定表現，艷壓群芳贏得深圳冠軍！
Lenny直言今次是人生一大突破，最大得着是學識展示最好的自己，以及認識佳麗，問到最難忘部分？她說：「比賽好考急才，時間緊迫但中途發生小意外，例如件泳衣太大唔啱着，考驗臨場執生嘅能力，亦再次體會到機會係留畀有準備嘅人！（覺得自己贏喺邊？）我係個好大膽嘅女仔，有時係缺點，但今次係勝出關鍵，只要唔怕失敗唔怕醜，敢於嘗試，總有一次成功。」
