黃家慰回歸唔做乖乖
有「翻版陳妍希」之稱的女藝人黃家慰（Candy）網上花名「黃糖」，人如其名夠晒甜，2016年她推出寫真加散文集，形象清純，激罕穿泳衣晒勻稱身材！去年她轉職空姐暫停演藝事業，令不少Fans失望，最近Candy宣布回歸幕前，歡迎客戶及廣告商找她工作，實在是Fans之福！
Candy說：「畢業後試過做空姐同編輯，見識多咗，始終覺得幕前最適合自己，最近有參與網上平台拍攝網片，內容係以輕鬆搞笑方式氹吓觀眾開心，仲有接一啲KOL工作，當然我最想拍劇拍戲，經歷對演戲好重要，近一、兩年我身邊發生好多事，個人轉變好多，想接受更多新挑戰。」她希望可打破乖乖女形象，笑言做打女、脫星、醜角、老角都可以考慮，最緊要有發揮空間。
