艾美琦左右不分考車牌肥佬
藝人艾美琦（Amy）、張可義及馮莉珊日前以賽車女郎晒線、Show腿Look，到中環出席汽車活動，三人雖然冇車牌，但各有Dream Car，Amy說：「我曾經考過車牌，但係肥佬咗，因為我左右不分，可能個天暫時唔想我有車牌住，免得影響其他道路使用者嘅安全。我都有Dream Car，就係嗰啲上揭式車門嘅跑車，成日幻想着住高踭鞋、短裙，落車嗰一剎那嘅畫面，我覺得好靚！」
張可義追求速度感
而張可義說：「因為我有揸高卡車，所以明明冇車牌，我都當自己有！我鍾意追求速度感，鍾意嗰啲望落好靚，但坐落好唔舒服，會吹到啲頭髮亂晒嗰種跑車。」馮莉珊則說：「我都鍾意欣賞靚車，講到Dream Car，我鍾意實用、安全嘅車！」
