傅嘉莉生日求緋聞絕緣
本月六日是藝人傅嘉莉（Kelly）的33歲生日，Kelly昨日舉行生日派對與一百名粉絲齊齊慶祝，現場準備了六層高的生日蛋糕以及眾多禮物，期間Kelly一度感觸落淚，她表示今次是第三次和粉絲過生日:「我好多謝佢哋同我一齊過，近幾年都幾崎嶇，希望佢哋可以繼續同我一齊。」
最想年年22歲
她自言雖然近年有不少作品，但都被緋聞蓋過，令她的努力事倍功半：「希望今年唔好再有緋聞，大家集中番喺我工作上，呢個都係我生日願望之一。另一個願望係希望可以凍齡，年年22歲！」問到會否希望覓得真命天子以斷絕緋聞？Kelly稱現時工作至上：「我入咗TVB兩年幾，公司對我好好，公司都畀咗好大嘅生日禮物我，我拍咗三部劇，有兩套提名女配角獎，我都想做出成績回報公司。」
新年望遠離是非
Kelly透露正忙於拍攝劇集《包青天再起風雲》，三月要到橫店取景，跟張振朗會有打鬥戲份。提到日前她被拍到與家人拜神，被指是求姻緣，Kelly則解釋只是家族傳統，每年都會一家人去拜幾次神：「我係藝人，食得鹹魚抵得渴，但唔想影響到家人，希望新一年是非遠離我。」
文：名人組