Robynn & Kendy自嘲跳舞似猩猩
成軍6年的女子組合Robynn & Kendy（R&K）將於本月29日在伊館舉行《REFLECTION LIVE》演唱會，她們日前接受專訪時說：「第一次賣飛騷，除咗回顧過往行咗嘅路之外，Reflection都有反思嘅意思。」談到她們文青味很重，Kendy笑說：「我哋其實一半文青，一半又好唔文青。」Robynn更踢爆Kendy性格豪邁，愛蒲愛劈酒。
以前零運動的Robynn自爆一年多前開始變得熱愛運動：「想喺最後一個二字頭係最索嘅，於是去健身同跑步。」Kendy亦有玩瑜伽及攀石，兩人變了「好動文青」。至於演唱會可會晒肌肉？Robynn笑言留待造型師安排，她又自嘲手長腳長，怕跳舞時似猩猩，但歌迷卻讚感覺好「正」。
