黃建東300萬Budget博上車：細佬笑我發夢
黃建東、吳幸美、章志文及李龍基等前晚出席《TVB周刊》活動，擔任司儀的東東即場獻唱《皆大歡喜》，及後再表演改編版的日本洗腦歌《PPAP》，將現場氣氛推至高潮。他表示原先的演唱版本有點兒童不宜，故今次特別將《PPAP》改成愛心版，主力唱好父母。
工作量日漸增多的他表示，未有因此被父母投訴少時間陪伴：「佢哋投訴我衫多，叫我快啲搬出去住。（有置業大計？）想明年置業，細佬做地產經紀，不過佢做跑馬地嗰啲貴價樓，我成日話想搵300萬樓勉強上咗車先，佢就成日笑我發夢！」
二手車都唔捨得買
東東昨日受訪時透露曾視察過樓盤，惟大部分單位未合乎心水：「我成日要返電視城開工，想300萬買到樓，只能夠偏遠地區或者唐樓先得，400幾呎又啱條件要500幾萬，所以都煩緊係咪要將畢生積蓄放晒落去做樓奴呢？」又自誇平日慳到盡，即使需要買車，又有朋友願以一萬元轉讓二手車給他，但當他考慮到停車場泊車費及油費高昂，又想實現業主夢，最後只好忍痛推卻友人的好意。
文：影視組