Aka開畫展盼偶像撐場

組合Super Girls隊長Aka（趙慧珊）將於本月21日舉辦首個個人慈善畫展，對於畫展的所有工作，她親力親為，包括商品製作、場地設計、嘉賓邀請等。Aka透露今次籌得的善款會幫助有需要的婦女：「一直好想出一分力幫助社會上有需要嘅人，啱啱好有呢次機會，等我可以運用自己嘅能力去作出貢獻，亦希望感染身邊嘅人去幫助其他人。」
Aka搞慈善畫展，為社會出一分力。
Aka搞慈善畫展，為社會出一分力。

Aka透露很多朋友已答應買畫，又怕醜笑言很想邀請偶像容祖兒來支持，更自爆在作品隱晦地畫了對方：「之前將畫緊嘅呢幅畫Post咗去Instagram，已經有人估到，但我唔講住，我諗出到嚟大家都會知係佢演唱會其中一個造型。（依家有理由叫佢嚟支持！）如果佢話我畫得佢唔靚咁點算？我有啲戰戰兢兢，但我都係厚面皮，所以相信最後都會請佢嚟。」

Aka自認面皮厚，會親自邀請偶像祖兒出席畫展。
  • Aka自認面皮厚，會親自邀請偶像祖兒出席畫展。