祖兒衣錦還鄉恨新會開騷
天后容祖兒前日衣錦還鄉，到江門新會為房地產活動擔任形象大使。她坦言很榮幸與梁朝偉及林子祥是同鄉，希望與前輩一樣做到好成績。她又自爆想在當地開騷及置業，叫老闆楊受成提供超級特惠價。
容祖兒前日到江門新會出席樓盤活動暨形象大使簽約儀式，同場還有英皇老闆楊受成及富力地產集團董事長李思廉。身為形象大使的她坦言平時工作忙碌，已有好幾年沒回家鄉新會，今次有種衣錦還鄉的感覺。
叫老闆畀特惠價
問到打算怎樣回饋家鄉？她坦言要以老闆為榜樣：「佢做好多慈善，我都希望做多啲公益活動。（會唔會開演唱會？）我都想，我好鍾意同唔同地方嘅粉絲見面，不過要等公司安排，如果真係喺新會開就更加有親切感。」提到新會發展很快，祖兒自爆有意置業，又賣口乖說：「當然要優先考慮今日呢個盤，不過要叫老闆畀個超級特惠價我。」
買陳皮贈好友
提到梁朝偉及林子祥等同是江門人，祖兒說：「作為娛樂圈嘅一分子，我好榮幸自己同佢哋一樣係江門新會人，希望自己都做到前輩一樣咁好嘅成績。」她大讚新會人熱情好客，深深感受到大家對她的支持：「我知道新會陳皮好出名，可以煮嘢食，又有藥用價值，仲可以養到聲添，我有時間就會去買嚟同朋友分享。」
文：音樂組