祥嫂vs兆尊 梁思浩試擺和頭酒？
多元化的娛樂節目將陸續在亞視推出，當中梁思浩、陳彥行和李麗蕊主持逢星期一播出的節目《今晚見》，內容以娛樂爆料為主題。梁思浩稱首集嘉賓是一對「仇人」，雖未肯透露是誰，但亦給了少許提示，指雙方反晒面，是不想見面的關係，節目的安排猶如擺和頭酒。
據知，這對「仇人」為洪金梅（祥嫂）和其長子鄧兆尊，而鄧兆尊方面經已答應，只待祥嫂會否答應出席，至截稿前尚未得她回應此事。其實他們兩母子為錢反目廿年間雖曾和好，後來又因拗撬斷絕來往，若這對母子能「世紀和好」，搞手亦功德無量，對此，思浩未肯回應，並形容嘉賓說：「人情同錢，有啲畀面我，又畀面何麗全同吳雨。」問會否擔心兩位嘉賓大打出手？他坦言：「節目係直播，歡迎打交、鬧交，更多人睇！其實呢類形節目香港未有，但內地已經好多。」
